Дежурная группа

Создано: 27.05.2020, обновлено: 27.05.2020

Кэбээйи нэһилиэгэр ыам ыйын 14 күнүттэн ийэлээх аҕа үлэлиир дьиэ кэргэттэригэр, ону сэргэ полиция, суһал көмө, МЧС, балыыһа үлэһиттэригэр тирэх буолар сыалтан «Кэскил» (сэбиэдиссэй Н.Ю.Дьяконова) уонна «Кустук» (сэбиэдиссэй М.Я.Григорьева) уһуйааннарга дьуһуурунай бөлөхтөр аһыллан үлэлии тураллар. «Кэскил» уһуйаан иитээччитэ И.Г.Кобякова кэпсииринэн билиҥҥи туругунан уһуйааҥҥа 2 бөлөх үлэлии турар, 15 иитиллээччи күн аайы кэлэллэр.

Онтон «Кустук» уһуйааҥҥа 1 бөлөх аһыллыбыта. Манна испиэһэккэ 12 оҕо баар. Уһуйааннарга ас өттө төһө кыалларынан көрүллэр. Санитарнай-гигиническай нуорманы тутуһуу ирдэбилэ кытаанах буолан иитээччилэр уонна иитээччи көмөлөһөөччүлэрэ бу бөлөхтөргө чааһынан арахсан бука-бары үлэлииллэр. Эбии үөрэхтээһин педагогтара, музыкальнай, физкультурнай салайааччылар уочаратынан кэлэн оҕолору саастарынан наардаан ылан эрчийэллэр, дьарыктыыллар.

Татьяна Максимова-Лазарева

Кэбээйи сэл.