«Тыл баар — бараммат баай»

Создано: 02.03.2020, обновлено: 02.03.2020

Уьуйааммытыгар олунньу 28 кунугэр III Өрөспүбүлүкээнискэй оскуола иннинээҕи саастаах оҕолорго  «Тыл баар — бараммат баай»  куонкурус ыытылынна.

Куонкурус Саха республикатын «Кэбээйи улууһа» муниципальнай казеннай тэриллии үөрэҕин салалтатын муниципальнай казеннай тэрилтэтэ, Кэбээйи улууһун Кэбээйи н. 13–с нүөмэрдээх оҕоҕо тулалыыр эйгэни саҥарар саҥа нөҥүө билиһиннэрэр хайысхалаах «Кустук» оҕо тэрилтэтин тэрээһиннэринэн ыытылынна.

Куонкуруска кытыннылар 3-н — 7-гэр диэри саастаах оскуола иннинэ саастаах оҕолор.

Куонкурус сыалынан-соругунан буолла оскуола иннинэ саастаах оҕолорго саха тылынан уус – уран айымньытын  билиһиннэрии, үөрэтии. Оскуолаҕа киириэн иннинэ саастаах оҕолору иитиигэ-үөрэтиигэ саха тылынан уус — уран айымньытын оҕоҕо тиийимтиэ көрүҥнэрин табатык туһанан оҕо истэр, өйдүүр дьоҕурун, өйгө оҥорон көрөр, саҥарар, толкуйдуур кыахтарын сайыннарыы. Ону сэргэ саха тылынан уус – уран айымньытын этигэр-хааныгар иҥэринэн, дууһатыгар ылынан улааппыт оҕо, уус-уран тыла эрэ сайдарынан муҥурдаммакка, сиэр-майгы өттүнэн иитиллэн, үчүгэй, куһаҕан өрүттэри сыаналыыр, ырааҕы толкуйдуур, болҕомтолоох, кэтээн көрөр дьоҕурдаах, тулалыыр айылҕатын, эйгэтин убаастыыр киһи буола улаатарын чопчулааһын.

Куонкурус уратытынан буолла  сирэй уонна кэтэхтэн кыттыы ньыматынан ыытыллыыта.

Куонкурус үс секциянан үлэлээтэ.

1 секция – «Былыргы дьыл быраман мындаатыгар…» (олоҥхону биирдиилээн толоруу), 2 секция – «Чыыбы-чаабы чабырҕах, өйтөн сүппэт өс хоһоон» (үгэлэри, чабырҕаҕы толоруу), 3 секция – «Сээркээн сэһэнньиттэр» (оһуокайдар, остуоруйалары кэпсээһин).

Сирэй күрэххэ биһирэмнэри таһынан олохтоох олоҥхоһут Семенов Ф.С.-Кырса Сөдүөт аймахтара, саха Республикатын Норуотун маастара Е.К.Софронеева, Кэбээйитээҕи норуодунай тыйаатыр бэтэрээн артыыһа, Кэбээйи улууһун Бочуоттаах олохтооҕо Н.А.Данилов, Кустук оҕо тэрилтэтин сэбиэдиссэйин эбээһинэһин толорооччу, М.Я.Григорьева, РФ норуотун үөрэҕириитин туйгуна В.П.Протопопова, РФ нэһилиэнньэни бытовой уонна ремесло өттүнэн хаачыйыыга туйгуна П.И.Адамова, Кэбээйи нэһилиэгин бочуоттаах олохтооҕо, иистэнньэҥ М.Е.Левина уонна “Кустук» уһуйаан иитээччилэрин биирдиилээн номинациялара олохтоннулар.

Куонкурус научнай салайааччыиынан ХИФУ Педагогическай институт школьнай үөрэхтээһин кафедратын сэбиэдиссэйин солбуйааччы, педагогическай наука кандидата Людмила Витальевна Попова буолла.

Куонкуруска барыта  64 о5о сырай, 26 о5о кэтэхтэн кытыннылар.  15 анал аат турда. 6 иитээччи «Бастыҥ салайааччы аатын ыллылар».